రేషన్ కార్డులకు మొబైల్ నంబర్ లింక్‌కు మరో అవకాశం

ప్రకాశం: రేషన్ కార్డులకు మొబైల్ నంబర్‌ లింక్ చేసుకునేందుకు రాష్ట్ర ప్రభుత్వం మరో అవకాశం కల్పించింది. ప్రకాశం జిల్లాలో మొత్తం 6,16,806 మంది రేషన్ లబ్ధిదారులు ఉండగా, ఇప్పటివరకు సుమారు నాలుగు లక్షల మంది తమ మొబైల్ నంబర్లను రేషన్ కార్డులతో అనుసంధానం చేసుకున్నట్లు అధికారులు తెలిపారు.

ఇంకా దాదాపు రెండు లక్షల మంది లబ్ధిదారులు మొబైల్ నంబర్‌ లింక్ చేసుకోవాల్సి ఉందని అధికారులు పేర్కొన్నారు. రేషన్‌ కార్డుకు మొబైల్ నంబర్‌ అనుసంధానం చేయడం ద్వారా సంబంధిత సేవలు, సమాచారం లబ్ధిదారులకు సులభంగా అందే అవకాశం ఉంటుందని తెలిపారు.

మిగిలిన లబ్ధిదారులు ఈ నెల 15వ తేదీలోపు తమ మొబైల్ నంబర్లను రేషన్‌ కార్డుతో లింక్ చేసుకోవాలని అధికారులు సూచించారు. గడువులోగా ప్రక్రియను పూర్తి చేసుకుని ప్రభుత్వ సేవలను సద్వినియోగం చేసుకోవాలని కోరారు.