అచ్చంపేట–క్రోసూరు రహదారిలో ఆటో, కారు ఢీ.. నలుగురికి గాయాలు

అచ్చంపేట: అచ్చంపేట–క్రోసూరు ప్రధాన రహదారిపై మంగళవారం ఆటో, కారు ఢీకొన్న ప్రమాదంలో నలుగురు గాయపడ్డారు. ప్రమాదంలో గాయపడిన వారిని మాజీ ఎమ్మెల్యే నంబూరు శంకర్రావు తన సొంత కారులో అచ్చంపేట ప్రభుత్వ ఆసుపత్రికి తరలించారు.

అనంతరం క్షతగాత్రులకు మెరుగైన వైద్యం అందించేందుకు సత్తెనపల్లి తరలించే ఏర్పాట్లు చేశారు. ఈ క్రమంలో 108 అంబులెన్స్‌లో క్షతగాత్రులను తరలించారు.

అయితే అంబులెన్స్‌లో గాలి (ఆక్సిజన్) అందుబాటులో లేదని పేర్కొంటూ 108 సిబ్బంది తీరుపై నంబూరు శంకర్రావు అసహనం వ్యక్తం చేసినట్లు సమాచారం. ప్రమాద ఘటనపై పూర్తి వివరాలు తెలియాల్సి ఉంది.