నడిపెల్లి విజిత్ కుమార్ జన్మదినోత్సవం ఘనంగా నిర్వహణ

మంచిర్యాల పట్టణంలో భారత రాష్ట్ర సమితి (బీఆర్ఎస్) పార్టీ రాష్ట్ర నాయకులు నడిపెల్లి విజిత్ కుమార్ జన్మదిన వేడుకలను పార్టీ శ్రేణులు ఘనంగా నిర్వహించాయి. మంచిర్యాల కార్పొరేషన్ బీఆర్ఎస్ పార్టీ ఆధ్వర్యంలో, పట్టణ బీఆర్ఎస్ పార్టీ మాజీ అధ్యక్షులు గాదె సత్యం నివాసంలో నిర్వహించిన ఈ కార్యక్రమంలో స్థానిక ప్రజాప్రతినిధులు, మాజీ ప్రజాప్రతినిధులు, టిబీజీకేఎస్ నాయకులు, బీఆర్ఎస్ పార్టీ నాయకులు, కార్యకర్తలు మరియు పార్టీ అభిమానులు పెద్ద సంఖ్యలో పాల్గొన్నారు.

ఈ సందర్భంగా నడిపెల్లి విజిత్ కుమార్‌కు జన్మదిన శుభాకాంక్షలు తెలియజేస్తూ పుష్పగుచ్ఛాలు అందజేసి ఘనంగా సన్మానించారు. ఆయన నాయకత్వంలో పార్టీ మరింత బలోపేతం కావడంతో పాటు ప్రజలకు మరింత సేవ చేయాలని ఆకాంక్షించారు. నాయకులు, కార్యకర్తలు ఆయన ప్రజాసేవా దృక్పథాన్ని కొనియాడారు.

అనంతరం కేక్ కట్ చేసి సంబరాలు నిర్వహించారు. పార్టీ శ్రేణులు ఒకరికొకరు శుభాకాంక్షలు తెలుపుకుంటూ ఉత్సాహంగా వేడుకల్లో పాల్గొన్నారు. ఈ కార్యక్రమం పార్టీ నాయకులు, కార్యకర్తల్లో నూతన ఉత్సాహాన్ని నింపింది