కనిగిరి జెడ్పీటీసీ స్థానంలో బీజేపీ అభ్యర్థి మల్లెల గోమ్స్ విజయం

5,371 ఓట్లతో గెలుపు.. ఫలితాల అనంతరం బీజేపీ, టీడీపీ, జనసేన శ్రేణుల సంబరాలు

మార్కాపురం జిల్లా (ఎన్ టుడే న్యూస్): మార్కాపురం జిల్లా కనిగిరి జెడ్పీటీసీ ఎన్నికల ఫలితాల్లో బీజేపీ అభ్యర్థి మల్లెల గోమ్స్ విజయం సాధించారు. ఆయన 5,371 ఓట్లు సాధించి జెడ్పీటీసీ స్థానాన్ని కైవసం చేసుకున్నారు.

కనిగిరి మోడల్ స్కూల్‌లో నిర్వహించిన ఓట్ల లెక్కింపులో ప్రతి రౌండ్‌లోనూ మల్లెల గోమ్స్ ఆధిక్యంలో కొనసాగినట్లు సమాచారం. చివరకు 5,371 ఓట్లతో విజయం సాధించారు.

గోమ్స్ గెలుపుతో బీజేపీతో పాటు టీడీపీ, జనసేన శ్రేణులు సంబరాలు జరుపుకున్నాయి. ఆయా పార్టీల నాయకులు, కార్యకర్తలు ఆయనకు అభినందనలు తెలిపారు.