జంగంగుంట్లపాలెం ఎంపీటీసీ స్థానంలో వైసీపీ విజయం

123 ఓట్ల మెజారిటీతో గెలుపొందిన నరసాని శ్రీనివాసరెడ్డి

మేడికొండూరు (ఎన్ టుడే న్యూస్): గుంటూరు జిల్లా మేడికొండూరు మండలం జంగంగుంట్లపాలెం ఎంపీటీసీ స్థానంలో వైఎస్సార్‌సీపీ విజయం సాధించింది. ఈ స్థానం నుంచి వైఎస్సార్‌సీపీ అభ్యర్థిగా పోటీ చేసిన నరసాని శ్రీనివాసరెడ్డి తన సమీప టీడీపీ ప్రత్యర్థిపై 123 ఓట్ల మెజారిటీతో గెలుపొందారు.

ఓట్ల లెక్కింపులో నరసాని శ్రీనివాసరెడ్డికి 717 ఓట్లు రాగా, టీడీపీ అభ్యర్థికి 594 ఓట్లు వచ్చాయి. దీంతో 123 ఓట్ల ఆధిక్యంతో శ్రీనివాసరెడ్డి విజేతగా నిలిచారు.

ఈ ఫలితంతో జంగంగుంట్లపాలెం గ్రామంలోని వైఎస్సార్‌సీపీ నాయకులు, కార్యకర్తలు హర్షం వ్యక్తం చేశారు. తమ పార్టీ అభ్యర్థి విజయంపై సంతోషం వ్యక్తం చేస్తూ అభినందనలు తెలిపారు.