భాగ్యలక్ష్మి అమ్మవారిని దర్శించుకున్న ఎమ్మెల్యే దేవిరెడ్డి సుధీర్‌రెడ్డి

దీపావళి సందర్భంగా ప్రత్యేక పూజల్లో పాల్గొన్న ఎల్బీనగర్ ఎమ్మెల్యే

హైదరాబాద్ (ఎన్ టుడే న్యూస్), నవంబర్ 7: దీపావళి పర్వదినం సందర్భంగా చార్మినార్‌లోని శ్రీ భాగ్యలక్ష్మి అమ్మవారి ఆలయంలో నిర్వహించిన ప్రత్యేక పూజా కార్యక్రమంలో ఎల్బీనగర్ ఎమ్మెల్యే దేవిరెడ్డి సుధీర్‌రెడ్డి పాల్గొన్నారు. ఈ సందర్భంగా అమ్మవారిని దర్శించుకుని ప్రత్యేక పూజలు నిర్వహించారు.

అమ్మవారి ఆశీస్సులు ప్రజలందరికీ లభించాలని ఆయన ఆకాంక్షించారు. దీపావళి పర్వదినాన్ని పురస్కరించుకుని ఆలయంలో నిర్వహించిన పూజా కార్యక్రమంలో పాల్గొనడం ఆనందంగా ఉందని పేర్కొన్నారు.

ఈ కార్యక్రమంలో కర్మన్‌ఘాట్ హనుమాన్ దేవస్థానం మాజీ ధర్మకర్త మధుసాగర్, లోహిత్, చందు తదితరులు పాల్గొన్నారు.