పల్లె వెంకన్న కుటుంబాన్ని పరామర్శించిన ఎమ్మెల్యే రాజగోపాల్‌రెడ్డి

మాతృమూర్తి సత్తెమ్మ మృతికి సంతాపం.. కుటుంబ సభ్యులకు పరామర్శ

బంగారుగడ్డ (ఎన్ టుడే న్యూస్): చండూరు మండల నాయకుడు పల్లె వెంకన్న మాతృమూర్తి పల్లె సత్తెమ్మ ఇటీవల మృతి చెందడంతో మునుగోడు ఎమ్మెల్యే కోమటిరెడ్డి రాజగోపాల్‌రెడ్డి వారి కుటుంబాన్ని పరామర్శించారు. చండూరు మండలం బంగారుగడ్డ గ్రామంలోని పల్లె వెంకన్న నివాసానికి వెళ్లి సత్తెమ్మ చిత్రపటానికి పూలమాల వేసి నివాళులర్పించారు.

అనంతరం కుటుంబ సభ్యులను కలిసి వారి కుటుంబంలో చోటుచేసుకున్న విషాదంపై విచారం వ్యక్తం చేశారు. సత్తెమ్మ మృతి పట్ల తన ప్రగాఢ సానుభూతిని తెలియజేస్తూ, కుటుంబ సభ్యులకు మనోధైర్యం కల్పించారు. ఈ కష్ట సమయంలో కుటుంబ సభ్యులు ధైర్యంగా ఉండాలని సూచించారు.