చీకటిని పారద్రోలే వెలుగుల పండుగ దీపావళి

తెలంగాణలో ప్రతి ఇంటా దీపాల కాంతుల్లా వెలుగులు నిండాలి: ఎమ్మెల్యే గుంటకండ్ల జగదీష్ రెడ్డి

సూర్యాపేట (ఎన్ టుడే న్యూస్): చీకటిని పారద్రోలే వెలుగుల పండుగ దీపావళి అని, దీపాల కాంతుల మాదిరిగా తెలంగాణలోని ప్రతి ఇంటా సంతోషం, వెలుగులు నిండాలని మాజీ మంత్రి, సూర్యాపేట ఎమ్మెల్యే గుంటకండ్ల జగదీష్ రెడ్డి ఆకాంక్షించారు. దీపావళి పండుగ సందర్భంగా రాష్ట్ర ప్రజలందరికీ శుభాకాంక్షలు తెలిపారు.

నరకాసుర వధకు గుర్తుగా దీపావళి పండుగను జరుపుకుంటామని పేర్కొంటూ, తెలంగాణలోనూ చీకట్లు తొలగి అభివృద్ధి వెల్లివిరియాలని ఆకాంక్షించారు. దీపాల వెలుగులు అజ్ఞానాంధకారాన్ని తొలగించి, ప్రజల్లో చైతన్యాన్ని రగిలించాలని అన్నారు. బంగారు తెలంగాణ సాధన దిశగా నూతనోత్సాహంతో ముందడుగు వేయాలని పిలుపునిచ్చారు.

దీపావళి సందర్భంగా బాణసంచా పేల్చేటప్పుడు ప్రజలు తగిన జాగ్రత్తలు పాటించాలని సూచించారు. కార్తీక మాసంలో నిర్వహించే ప్రత్యేక పూజలు ఫలించాలని ఆకాంక్షిస్తూ ప్రజలందరికీ మరోసారి దీపావళి శుభాకాంక్షలు తెలిపారు.