జైలులో ఉన్న వైఎస్సార్‌సీపీ అభ్యర్థి జెడ్పీటీసీగా విజయం

పెళ్లకూరు స్థానంలో 1,719 ఓట్ల మెజార్టీ.. భర్త తరఫున ప్రచారం చేసిన భార్య

తిరుపతి (ఎన్ టుడే న్యూస్): ఆంధ్రప్రదేశ్‌లో జెడ్పీటీసీ ఎన్నికల ఫలితాల్లో జైలులో ఉన్న అభ్యర్థి విజయం సాధించడం చర్చనీయాంశంగా మారింది. తిరుపతి జిల్లాలోని పెళ్లకూరు జెడ్పీటీసీ స్థానంలో వైఎస్సార్‌సీపీ అభ్యర్థి కామిరెడ్డి సత్యనారాయణరెడ్డి 1,719 ఓట్ల మెజార్టీతో గెలుపొందారు.

హత్యాయత్నం కేసులో ప్రస్తుతం సత్యనారాయణరెడ్డి జైలులో ఉన్నారు. ఆయన జైలులో ఉండటంతో ఎన్నికల ప్రచార బాధ్యతలను భార్య చేపట్టారు. భర్త తరఫున ఆమె ప్రచారం నిర్వహించి ఓటర్లను మద్దతు కోరారు. ఎన్నికల ఫలితాల్లో సత్యనారాయణరెడ్డి విజయం సాధించారు.

ఈ విజయంపై వైఎస్సార్‌సీపీ సోషల్ మీడియా వేదికగా స్పందించింది. “జైలు గోడలు మనిషిని బంధించగలవేమో గానీ, ప్రజల అభిమానాన్ని కాదు” అంటూ ట్వీట్ చేసింది.