నెలకు రూ.1,000 చొప్పున లంచం.. రూ.63 వేల వద్ద ఏసీబీకి చిక్కిన CDPO

జగిత్యాల జిల్లా మెట్‌పల్లిలో లంచం తీసుకుంటున్న చైల్డ్ డెవలప్‌మెంట్ ప్రాజెక్ట్ ఆఫీసర్‌ (CDPO) దారోజు పద్మను ఏసీబీ అధికారులు రెడ్‌హ్యాండెడ్‌గా పట్టుకున్నారు.

మెట్‌పల్లి పట్టణ పరిధిలోని అంగన్‌వాడీ కేంద్రాల్లో తనిఖీ నివేదికలను ప్రతికూలంగా ఇవ్వకుండా ఉండేందుకు 21 మంది అంగన్‌వాడీ నిర్వాహకుల నుంచి నెలకు రూ.1,000 చొప్పున తీసుకునేలా ఒప్పందం చేసుకున్నట్లు ఆరోపణలు ఉన్నాయి. మూడు నెలలకు సంబంధించిన రూ.63 వేల మొత్తాన్ని ఆమెకు అందజేస్తుండగా ఏసీబీ అధికారులు దాడి చేసి పట్టుకున్నారు.

ఈ వ్యవహారంలో అధికారులు తదుపరి చర్యలు చేపట్టారు.