చాట్రాయిలో ఆధ్యాత్మిక శోభ.. కనకదుర్గమ్మకు ఆషాఢ మాస సారె సమర్పణ

చాట్రాయిలో ఆధ్యాత్మిక శోభ.. కనకదుర్గమ్మకు ఆషాఢ మాస సారె సమర్పణ

చాట్రాయి మండల రిపోర్టర్ గోళ్ళ సత్యనారాయణ 

చాట్రాయి, ఆగస్టు 6: ఏలూరు జిల్లా చాట్రాయి గ్రామంలో వెలసిన శ్రీ కనకదుర్గమ్మ అమ్మవారికి ఆషాఢ మాస సారెను గురువారం అత్యంత భక్తిశ్రద్ధలతో, వైభవంగా సమర్పించారు. ఈ సందర్భంగా ఆలయ ప్రాంగణం భక్తజనాలతో కిక్కిరిసిపోయి గ్రామమంతా ఆధ్యాత్మిక వాతావరణంతో కళకళలాడింది.

మహోత్సవంలో భజన బృందాలు, హిందూ సంఘాల సభ్యులు, గ్రామ పెద్దలు, మహిళలు, యువతతో పాటు పెద్ద సంఖ్యలో భక్తులు పాల్గొని అమ్మవారికి ప్రత్యేక పూజలు నిర్వహించారు. భజనలు, ఆధ్యాత్మిక గీతాలతో అమ్మవారిని కీర్తిస్తూ భక్తి పారవశ్యంలో మునిగిపోయారు.

ఆషాఢ మాస సారె సమర్పణ కార్యక్రమం హిందూ సంప్రదాయాలకు, గ్రామ ఐక్యతకు ప్రతీకగా నిలిచింది. అమ్మవారి ఆశీస్సులతో ప్రతి కుటుంబంలో సుఖశాంతులు, ఆయురారోగ్యాలు, ఐశ్వర్యాలు వెల్లివిరియాలని భక్తులు ప్రార్థించారు.