చీమకుర్తి ఎస్సై అత్యుత్సాహం..? దళిత యువకుడిపై దాడి ఆరోపణలు

 ప్రకాశం జిల్లా చీమకుర్తిలో వివాదాస్పద ఘటన చోటుచేసుకుంది.

 దళిత యువకుడిపై ఎస్సై ఇష్టానుసారంగా దాడి చేశారంటూ ఆరోపణలు వినిపిస్తున్నాయి.

 బాధిత యువకుడు తీవ్రంగా కొట్టారని, తోలు లేసేటట్లు దాడికి పాల్పడ్డారని కుటుంబ సభ్యులు ఆరోపిస్తున్నారు.

 "నేను అదే కులానికి చెందిన వ్యక్తిని.. మీరు దళితులు అయితే నాకేంటి" అంటూ ఎస్సై వ్యాఖ్యానించినట్లు బాధితుడు చెబుతున్నాడు.

 ఘటనపై వివరాలు తెలుసుకునేందుకు వెళ్లిన విలేకరులను కూడా ఎస్సై బెదిరించినట్లు ఆరోపణలు ఉన్నాయి.

 "మీ క్రైమ్ రికార్డ్ తీస్తా" అంటూ హెచ్చరించారని విలేకరులు పేర్కొంటున్నారు.

 ఈ ఘటన స్థానికంగా తీవ్ర చర్చనీయాంశంగా మారింది.

 అయితే, ఈ ఆరోపణలపై పోలీసు శాఖ నుంచి అధికారిక స్పందన రావాల్సి ఉంది.