చింతలపూడిలో అధికలోడుతో దూసుకెళ్తున్న ఇసుక లారీలు.. ప్రమాదాలపై పట్టణవాసుల ఆందోళన
చింతలపూడి నియోజకవర్గ రిపోర్టర్ కుడిపుడి సత్తి బాబు
చింతలపూడిలో అధికలోడుతో దూసుకెళ్తున్న ఇసుక లారీలు.. ప్రమాదాలపై పట్టణవాసుల ఆందోళన
ఎలూరు జిల్లా చింతలపూడి పట్టణంలో అధికలోడుతో వేగంగా దూసుకెళ్తున్న ఇసుక లారీలు ప్రజలను భయభ్రాంతులకు గురి చేస్తున్నాయి. నిబంధనలకు విరుద్ధంగా ఇసుకను అధికంగా లోడ్ చేసి తరలిస్తుండటంతో లారీల నుంచి ఇసుక రోడ్డుపై జారిపడుతోంది. దీంతో ద్విచక్ర వాహనదారులు, ఇతర వాహనదారుల కళ్లల్లో ఇసుక పడుతూ అనేక ప్రమాదాలు చోటుచేసుకుంటున్నాయని బాధితులు వాపోతున్నారు.
ప్రధాన రహదారులపై ఇసుక లారీలు అధిక వేగంతో ప్రయాణించడం వల్ల చిన్నపాటి ప్రమాదాలు తరచుగా జరుగుతున్నాయని స్థానికులు చెబుతున్నారు. పాఠశాలలకు వెళ్లే విద్యార్థులు, ఉద్యోగులు, మహిళలు తీవ్ర ఇబ్బందులు ఎదుర్కొంటున్నారని ఆందోళన వ్యక్తం చేస్తున్నారు.
ఇసుక లారీల అధికలోడును అరికట్టి, వేగ నియంత్రణ చర్యలు చేపట్టాలని, నిబంధనలు ఉల్లంఘిస్తున్న లారీలపై కఠిన చర్యలు తీసుకోవాలని పట్టణవాసులు, వాహనదారులు అధికారులను కోరుతున్నారు.
