వివాహ వేడుకలో పాల్గొని వధూవరులను ఆశీర్వదించిన చలమల్ల కృష్ణారెడ్డి

చండూరు, నవంబర్ 11: చండూరు మండలం కస్తాల గ్రామానికి చెందిన మెండు రఘుమారెడ్డి, పద్మ దంపతుల కుమార్తె సుచితారెడ్డి వివాహ వేడుకలో కాంగ్రెస్ పార్టీ రాష్ట్ర నాయకుడు చలమల్ల కృష్ణారెడ్డి పాల్గొన్నారు. వర కన్వెన్షన్ హాల్‌లో మహేందర్ రెడ్డితో జరిగిన ఈ వివాహ వేడుకకు వధువు తల్లిదండ్రుల ఆహ్వానం మేరకు ఆయన హాజరయ్యారు.

ఈ సందర్భంగా నూతన వధూవరులు సుచితారెడ్డి, మహేందర్ రెడ్డిలను చలమల్ల కృష్ణారెడ్డి ఆశీర్వదించారు. వారి వైవాహిక జీవితం సుఖసంతోషాలు, ఆయురారోగ్యాలతో కొనసాగాలని ఆకాంక్షించారు. నూతన జీవితంలో పరస్పర అవగాహన, అనురాగంతో ముందుకు సాగాలని శుభాకాంక్షలు తెలిపారు.

ఈ వివాహ వేడుకలో కాంగ్రెస్ పార్టీ నాయకులు, కుటుంబ సభ్యులు, బంధుమిత్రులు పాల్గొన్నారు.