చిల్లాపురం గ్రామానికి వాటర్ ప్లాంట్ మంజూరు..

ప్రత్యేక చొరవ చూపిన నాయకులకు గ్రామస్తుల కృతజ్ఞతలు

సంస్థాన్ నారాయణపురం: మండలంలోని చిల్లాపురం గ్రామానికి వాటర్ ప్లాంట్ మంజూరు కావడంతో గ్రామ ప్రజల్లో హర్షం వ్యక్తమవుతోంది. గ్రామంలో తాగునీటి సౌకర్యాన్ని మెరుగుపరిచే దిశగా వాటర్ ప్లాంట్ మంజూరుకు ప్రత్యేక చొరవ తీసుకుని, నిరంతరం కృషి చేసిన మాజీ ఎంపీపీ సూరపల్లి రఘుపతి, గ్రామ సర్పంచ్ రామ నర్సయ్యకు గ్రామ ప్రజలు కృతజ్ఞతలు తెలిపారు.

గ్రామ ప్రజల తాగునీటి అవసరాలను గుర్తించి, వాటర్ ప్లాంట్ మంజూరుకు కృషి చేయడం అభినందనీయమని గ్రామస్తులు పేర్కొన్నారు. ఈ సౌకర్యం అందుబాటులోకి వస్తే గ్రామ ప్రజలకు తాగునీటి విషయంలో మరింత వెసులుబాటు కలుగుతుందని ఆశాభావం వ్యక్తం చేశారు.

గ్రామ అభివృద్ధి, ప్రజల అవసరాల పరిష్కారం కోసం ప్రత్యేక శ్రద్ధ చూపిన మాజీ ఎంపీపీ సూరపల్లి రఘుపతి, సర్పంచ్ రామ నర్సయ్యకు గ్రామ ప్రజల తరఫున హృదయపూర్వక ధన్యవాదాలు, అభినందనలు తెలియజేశారు. అలాగే గ్రామానికి వాటర్ ప్లాంట్ మంజూరుకు సహకరించిన ప్రతి ఒక్కరికీ కృతజ్ఞతలు తెలిపారు.