వైసీపీ కార్యాలయంలో అబుల్ కలాం ఆజాద్ జయంతి వేడుకలు

ముస్లిం మైనారిటీల ఆధ్వర్యంలో ముగ్గురు కార్పొరేటర్లకు సన్మానం

చిత్తూరు: భారతదేశ తొలి విద్యాశాఖ మంత్రి, స్వాతంత్ర్య సమరయోధుడు మౌలానా అబుల్ కలాం ఆజాద్ 139వ జయంతి వేడుకలను చిత్తూరులోని వైఎస్సార్ కాంగ్రెస్ పార్టీ కార్యాలయంలో ఘనంగా నిర్వహించారు. చిత్తూరు సమన్వయకర్త ఎం.సి. విజయానంద రెడ్డి ఆధ్వర్యంలో జరిగిన ఈ కార్యక్రమంలో పార్టీ నాయకులు, ముస్లిం మైనారిటీ ప్రతినిధులు పాల్గొని ఆజాద్ సేవలను స్మరించుకున్నారు.

ఈ సందర్భంగా అబుల్ కలాం ఆజాద్ చిత్రపటానికి నివాళులర్పించి, దేశ విద్యారంగానికి ఆయన అందించిన సేవలను గుర్తుచేసుకున్నారు. విద్యాభివృద్ధి, సమాజంలో విద్య ప్రాధాన్యత, దేశ నిర్మాణంలో విద్య పాత్ర వంటి అంశాలను ప్రస్తావించారు.

అనంతరం స్థానిక ఎన్నికల్లో విజయం సాధించిన ముగ్గురు కార్పొరేటర్లను ముస్లిం మైనారిటీ నాయకుల తరఫున సన్మానించారు. కార్పొరేటర్లుగా ఎన్నికైన కే. పుష్పలత, తమిళ్ ఆర్సీ, షామాలను శాలువాలతో సత్కరించి అభినందనలు తెలిపారు.

ఈ కార్యక్రమంలో ముస్లిం మైనారిటీ నాయకులు, ప్రతినిధులు పెద్ద సంఖ్యలో పాల్గొన్నారు.