చనుబండ సబ్‌స్టేషన్ పరిధిలో నేడు విద్యుత్ సరఫరాకు అంతరాయం

ఉదయం 9.30 నుంచి మధ్యాహ్నం 12.30 గంటల వరకు నిలిపివేత

చాట్రాయి: ఏలూరు జిల్లా, నూజివీడు నియోజకవర్గంలోని చాట్రాయి మండలం చనుబండ విద్యుత్ సబ్‌స్టేషన్ పరిధిలో శనివారం (అక్టోబర్ 10) విద్యుత్ సరఫరాకు అంతరాయం కలగనుంది. రెండో శనివారం సందర్భంగా సబ్‌స్టేషన్‌లో విద్యుత్ మరమ్మతు పనులు చేపట్టనున్నట్లు చాట్రాయి అసిస్టెంట్ ఎగ్జిక్యూటివ్ ఇంజినీర్ డి. సంజయ్ తెలిపారు.

ఈ నేపథ్యంలో ఉదయం 9.30 గంటల నుంచి మధ్యాహ్నం 12.30 గంటల వరకు విద్యుత్ సరఫరా నిలిపివేయనున్నట్లు వెల్లడించారు. సబ్‌స్టేషన్ పరిధిలోని విద్యుత్ వినియోగదారులు ఈ విషయాన్ని గమనించి, మరమ్మతు పనులకు సహకరించాలని ఆయన కోరారు.