పిల్లలు వర్ధిల్లాలి పుస్తకావిష్కరణ పిల్లలే కేంద్రంగా విద్యా బోధన సాగాలి

ఏ. కొండూరు, ఎన్టీఆర్ జిల్లా: పిల్లలను కేంద్రంగా చేసుకుని విద్యా బోధన, విద్యా విధానాలు రూపొందించాలని ప్రముఖ విద్యావేత్త, మండల విద్యాశాఖాధికారి ఈ.ఎల్.సి. కేశవరావు పేర్కొన్నారు. ప్రముఖ విద్యావేత్త, మాజీ శాసన మండలి సభ్యుడు విఠపు బాలసుబ్రమణ్యం, ప్రముఖ రచయిత సి.వి. కృష్ణయ్య సంయుక్తంగా రచించిన ‘పిల్లలు వర్ధిల్లాలి’ పుస్తకాన్ని గురువారం ఏ. కొండూరులోని స్థానిక జిల్లా పరిషత్ ఉన్నత పాఠశాలలో ఆయన ఆవిష్కరించారు. జన విజ్ఞాన వేదిక (జేవీవీ) ప్రచురించిన ఈ పుస్తకం విద్యా రంగంలో పిల్లల ప్రాధాన్యతను, వారి అవసరాలకు అనుగుణంగా బోధనా పద్ధతులు ఉండాల్సిన ఆవశ్యకతను తెలియజేస్తుందని కేశవరావు వివరించారు. విద్యార్థుల సమగ్ర వికాసానికి దోహదపడేలా విద్యా విధానాలు రూపొందించాల్సిన అవసరం ఉందని ఈ సందర్భంగా పేర్కొన్నారు. కార్యక్రమంలో జేవీవీ జిల్లా ప్రధాన కార్యదర్శి ఎల్. గంగాధర్, జిల్లా కార్యదర్శి ఎం. రాం ప్రదీప్, ఏ. కొండూరు మండల జేవీవీ గౌరవాధ్యక్షుడు పి. శోభన్ బాబు, పాఠశాల ఇన్‌ఛార్జి ప్రధానోపాధ్యాయుడు ఎం. నరసింహారావు, పలువురు ఉపాధ్యాయులు పాల్గొన్నారు

.