గోవింద్‌పేట్ గ్రామాన్ని సందర్శించిన ఎంపీడీఓ

జల సంరక్షణ పనుల పరిశీలన.. చెరువు పూడికతీత పనులపై ఆరా

ఆర్మూర్: ఆర్మూర్ మండలంలోని గోవింద్‌పేట్ గ్రామాన్ని ఎంపీడీఓ సందర్శించి గ్రామంలో జరుగుతున్న జల సంరక్షణ పనుల వివరాలను తెలుసుకున్నారు. ఈ సందర్భంగా చెరువులో చేపడుతున్న పూడికతీత పనులను పరిశీలించారు.

గ్రామంలో చెరువు పూడికతీత పనులను 34 మంది కూలీలతో నిర్వహిస్తున్నట్లు తెలిపారు. జల సంరక్షణ పనులు సక్రమంగా జరిగేలా పర్యవేక్షిస్తూ, నీటి వనరులను పరిరక్షించేందుకు చర్యలు తీసుకుంటున్నారు.

అలాగే గ్రామంలో ఇంటింటికీ వెళ్లి నల్లాల ద్వారా నీరు వృథా కాకుండా చూస్తున్నారు. నీటి లీకేజీలను గుర్తించి అరికట్టడంతో పాటు, నీటిని పొదుపుగా వినియోగించుకోవాలని ప్రజలకు సూచిస్తున్నారు.

గ్రామంలో నీటి వృథాను అరికట్టి, జల వనరులను కాపాడుకోవడమే లక్ష్యంగా ఈ చర్యలు చేపడుతున్నారు.