రాసమల్ల శంకరమ్మ మృతికి కాంగ్రెస్ నాయకుల సంతాపం

• బాధిత కుటుంబాన్ని పరామర్శించిన సర్పంచ్ ఉప్పల విజయలక్ష్మి–లింగస్వామి దంపతులు
  

యాదాద్రి భువనగిరి, అక్టోబర్ 28 (నారాయణపురం): సంస్థాన్ నారాయణపురం మండల కేంద్రానికి చెందిన కాంగ్రెస్ పార్టీ సీనియర్ నాయకుడు రాసమల్ల ఎల్లయ్య సతీమణి రాసమల్ల శంకరమ్మ ఇటీవల అనారోగ్యంతో మృతి చెందారు. ఈ నేపథ్యంలో నారాయణపురం గ్రామ సర్పంచ్ ఉప్పల విజయలక్ష్మి–లింగస్వామి దంపతులు బుధవారం శంకరమ్మ కుటుంబ సభ్యులను పరామర్శించి సానుభూతి తెలిపారు.

ఈ సందర్భంగా శంకరమ్మ చిత్రపటానికి పూలమాలలు వేసి నివాళులర్పించారు. కుటుంబ సభ్యులకు ప్రగాఢ సానుభూతి తెలియజేసి, వారికి మనోధైర్యం కల్పించారు.

ఈ కార్యక్రమంలో యాదాద్రి భువనగిరి జిల్లా కాంగ్రెస్ పార్టీ ఎగ్జిక్యూటివ్ మెంబర్ కత్తుల లక్ష్మయ్య, జిల్లా నాయకులు మందుగుల బాలకృష్ణ, ఏపూరి సతీష్, నారాయణపురం గ్రామ కాంగ్రెస్ శాఖ అధ్యక్షుడు బద్దుల మురళి యాదవ్, కాంగ్రెస్ పార్టీ సీనియర్ నాయకులు ఉప్పల రాజయ్య, గుడిగంటి రాజు గౌడ్, మారగోని శంకర్ గౌడ్, యువజన కాంగ్రెస్ ప్రధాన కార్యదర్శి ఉప్పల నాగరాజు, బానోతు కిరణ్ నాయక్, వడ్డేపల్లి శివప్రసాద్ తదితరులు పాల్గొని శంకరమ్మకు నివాళులర్పించారు.