ధర్మాజీగూడెంలో కూటమి ప్రచార ప్రభంజనం.. జనసంద్రమైన వీధులు

ఎమ్మెల్యే సొంగా రోషన్ కుమార్ ఆధ్వర్యంలో భారీ ర్యాలీ.. అభ్యర్థులకు ప్రజల నుంచి అపూర్వ స్పందన లింగపాలెం: ఏలూరు జిల్లా లింగపాలెం మండలం ధర్మాజీగూడెం గ్రామంలో కూటమి ఎన్నికల ప్రచారం ఉత్సాహంగా సాగింది. చింతలపూడి ఎమ్మెల్యే సొంగా రోషన్ కుమార్ ఆధ్వర్యంలో ఆదివారం సాయంత్రం జడ్పీటీసీ అభ్యర్థి ముసునూరి వెంకట సరోజినీ, ఎంపీటీసీ అభ్యర్థులతో కలిసి భారీ ప్రచార ర్యాలీ నిర్వహించారు. ఈ ర్యాలీకి పెద్ద సంఖ్యలో ప్రజలు, కూటమి నాయకులు, కార్యకర్తలు తరలిరావడంతో గ్రామ వీధులు జనసంద్రమయ్యాయి. డీజే పాటలు, యువత కేరింతలు, మహిళల హారతులతో ప్రచార కార్యక్రమం సందడిగా సాగింది. గ్రామ పంచాయతీ పరిధిలోని కాటమరెడ్డిపల్లి హైస్కూల్ రోడ్డు, మసీదు సెంటర్, రాజీవ్ కాలనీ, బస్టాండ్ సెంటర్, మెయిన్ రోడ్డు, పడమట బజార్, రామాలయం వీధి, కొనిజర్ల రోడ్డు, హరిజనపేట, దర్గా ప్రాంతం, రాజుల వీధి, బీసీ కాలనీ మీదుగా మోడల్ కాలనీ వరకు ర్యాలీ కొనసాగింది. ప్రతి ప్రాంతంలోనూ నాయకులకు, అభ్యర్థులకు స్థానికులు స్వాగతం పలికారు. మహిళలు హారతులు పట్టి ఆశీర్వదించగా, యువత ఉత్సాహంగా పాల్గొన్నారు. ప్రజల నుంచి లభించిన స్పందనతో అభ్యర్థులు తమ విజయంపై ధీమా వ్యక్తం చేశారు. ఈ కార్యక్రమంలో కూటమి నాయకులు, కార్యకర్తలు, అభిమానులు, యువత, మహిళలు పెద్ద సంఖ్యలో పాల్గొన్నారు.