బాలికల గురుకుల పాఠశాలను ఆకస్మికంగా తనిఖీ చేసిన కలెక్టర్

హనుమకొండ జిల్లా, అక్టోబర్ 30 (ఎన్ టుడే న్యూస్):

హనుమకొండ జిల్లా కమలాపూర్ మండలం గూడూరు పరిధిలోని మహాత్మా జ్యోతిబా పూలే తెలంగాణ వెనుకబడిన తరగతుల సంక్షేమ బాలికల గురుకుల పాఠశాలను జిల్లా కలెక్టర్ ఆకస్మికంగా తనిఖీ చేశారు. పాఠశాలలోని వసతులు, విద్యార్థులకు అందుతున్న సౌకర్యాలు, నిర్వహణ తీరును పరిశీలించారు.

ఈ సందర్భంగా పాఠశాల పరిసరాలు, తరగతి గదులు, విద్యార్థుల వసతి, భోజన సదుపాయాల వివరాలను కలెక్టర్ పరిశీలించినట్లు సమాచారం. విద్యార్థులకు నాణ్యమైన విద్యతో పాటు మెరుగైన వసతులు కల్పించడంపై అధికారుల దృష్టి సారించాలని సూచించారు.