వర్షాలకు జలమయమైన పంట పొలాలు

వర్షాలకు జలమయమైన పంట పొలాలు.. ముంపులో ఆత్రేయపురం పోలీస్ స్టేషన్

ఆత్రేయపురం: బంగాళాఖాతంలో ఏర్పడిన వాయుగుండం ప్రభావంతో రెండు రోజులుగా కురిసిన విస్తారమైన వర్షాలకు పంట పొలాలు, పల్లపు ప్రాంతాలు జలమయమయ్యాయి. శుక్రవారం వర్షం లేకపోయినప్పటికీ పలు ప్రాంతాల్లో ముంపు నీరు ఇంకా తగ్గలేదు.

మండల కేంద్రంలోని ఆత్రేయపురం పోలీస్ స్టేషన్ పరిసరాలు కూడా ముంపు నీటితో జలదిగ్బంధంలోనే ఉన్నాయి. నీరు బయటకు వెళ్లేందుకు సరైన మార్గం లేకపోవడంతో పోలీస్ స్టేషన్ ప్రాంగణంలో నీరు నిలిచిపోయింది.

ముంపు నీటిని తొలగించేందుకు అధికారులు మోటార్లను ఏర్పాటు చేసి నీటిని బయటకు తరలించే చర్యలు చేపడుతున్నారు. మరోవైపు పల్లపు ప్రాంతాల్లో నిలిచిన నీటితో ప్రజలు ఇబ్బందులు ఎదుర్కొంటున్నారు. ముంపు పరిస్థితిని అధికారులు ఎప్పటికప్పుడు పరిశీలిస్తూ నీటిని త్వరగా తొలగించే చర్యలు చేపట్టాలని స్థానికులు కోరుతున్నారు.