మద్యం దుకాణాల లైసెన్సుల రెన్యువల్‌కు రేపటితో గడువు ముగింపు

మద్యం దుకాణాల లైసెన్సుల రెన్యువల్‌కు రేపటితో గడువు ముగింపు ఎక్సైజ్ సిఐ ఏ మస్తానయ్య

నూజివీడు: మద్యం దుకాణాల లైసెన్సుల రెన్యువల్‌కు ప్రభుత్వం గడువును సెప్టెంబర్ 23 రాత్రి 12 గంటల వరకు పొడిగించింది. నూజివీడు ప్రొహిబిషన్ అండ్ ఎక్సైజ్ స్టేషన్ పరిధిలో మొత్తం 20 మద్యం దుకాణాలకు లైసెన్సులు ఉండగా, ఇప్పటివరకు 19 దుకాణాలకు సంబంధించిన లైసెన్సుల రెన్యువల్ ప్రక్రియ పూర్తయింది. వీటి ద్వారా ప్రభుత్వానికి సుమారు రూ.8.14 కోట్ల ఆదాయం సమకూరింది.

ఇంకా ఒక మద్యం దుకాణానికి సంబంధించిన లైసెన్స్ రెన్యువల్ ప్రక్రియ పూర్తికావాల్సి ఉంది. ప్రభుత్వం పొడిగించిన గడువు సెప్టెంబర్ 23 రాత్రి 12 గంటలతో ముగియనున్న నేపథ్యంలో, సంబంధిత లైసెన్సుదారులు నిర్ణీత గడువులోగా రెన్యువల్ ప్రక్రియను పూర్తి చేసుకోవాలని నూజివీడు ప్రొహిబిషన్ అండ్ ఎక్సైజ్ ఇన్‌స్పెక్టర్ ఎ. మస్తానయ్య సూచించారు.