వైసీపీ కేడర్‌కు ఐడీ కార్డుల పంపిణీ

కనిగిరి: కనిగిరి నియోజకవర్గ వైసీపీ ఇన్‌చార్జి దద్దాల నారాయణ ఆదేశాల మేరకు, మండల కన్వీనర్ యక్కంటి శ్రీనివాసులు రెడ్డి పిలుపుతో మండలంలోని హజీపురం పంచాయతీ పరిధి కొత్త సీతారామపురం గ్రామంలో వైఎస్సార్ కాంగ్రెస్ పార్టీ కేడర్‌కు ఐడీ కార్డులను పంపిణీ చేశారు.

హజీపురం గ్రామ అధ్యక్షుడు చిట్టేల నాగార్జున రెడ్డి ఆధ్వర్యంలో జరిగిన ఈ కార్యక్రమంలో పార్టీ కార్యకర్తలకు ఐడీ కార్డులను అందజేశారు. ఈ సందర్భంగా ఆయన మాట్లాడుతూ పార్టీని గ్రామస్థాయిలో మరింత బలోపేతం చేసేందుకు ప్రతి ఒక్కరూ సమన్వయంతో పనిచేయాలని కోరారు.

పార్టీ కార్యక్రమాలను ప్రజల్లోకి తీసుకెళ్లడంతో పాటు, గ్రామస్థాయిలో కార్యకర్తలు అందుబాటులో ఉంటూ ప్రజల సమస్యలను తెలుసుకుని పార్టీ నాయకత్వం దృష్టికి తీసుకెళ్లాలని సూచించారు.

ఈ కార్యక్రమంలో మండల రైతు విభాగం ఉపాధ్యక్షుడు దొడ్డ వెంకటేశ్వర రెడ్డి, మండల సోషల్ మీడియా ప్రధాన కార్యదర్శి షేక్ ఖాసిం, గ్రామ బీసీ సెల్ అధ్యక్షుడు చిన్న ఖాసిం, గ్రామ ప్రచార కమిటీ అధ్యక్షుడు షేక్ కాశిం, గ్రామ కమిటీ ప్రధాన కార్యదర్శి షేక్ మౌలాలి తదితరులు పాల్గొన్నారు.