కీసరలో నూతన రేషన్ కార్డుల పంపిణీ
కీసర: కీసర డివిజన్ పరిధిలోని కీసర గ్రామంలో నూతన రేషన్ కార్డుల పంపిణీ కార్యక్రమం నిర్వహించారు. ఈ కార్యక్రమానికి డివిజన్ అధ్యక్షురాలు రామిడి స్వప్న విజయ్ రెడ్డి ముఖ్య అతిథిగా హాజరై లబ్ధిదారులకు నూతన రేషన్ కార్డులను అందజేశారు.
ఈ సందర్భంగా రామిడి స్వప్న విజయ్ రెడ్డి మాట్లాడుతూ అర్హులైన ప్రతి ఒక్కరికీ ప్రభుత్వ సంక్షేమ పథకాలు అందేలా కృషి చేయడం తమ లక్ష్యమని తెలిపారు. ప్రజా సమస్యల పరిష్కారానికి ప్రాధాన్యత ఇస్తామని పేర్కొన్నారు. నూతన రేషన్ కార్డులు అందుకున్న లబ్ధిదారులు సంతోషం వ్యక్తం చేస్తూ ఆమెకు కృతజ్ఞతలు తెలిపారు.
కార్యక్రమంలో జనరల్ సెక్రటరీ తటాకం లక్ష్మణ్ శర్మ, రైతు సమన్వయ కమిటీ అధ్యక్షుడు పిన్నింటి కృష్ణారెడ్డి, మైనారిటీ సెల్ అధ్యక్షుడు కాజా మైనుద్దీన్, చిక్కుడు రమేష్ ముదిరాజ్, తటాకం వెంకటేష్ శర్మతో పాటు ఇతర నాయకులు, గ్రామస్తులు, మహిళలు, యువకులు పాల్గొన్నారు.
