రంగారెడ్డి జిల్లా డీఎంహెచ్‌ఓగా డాక్టర్ కళ్యాణ్ చక్రవర్తి
తెలంగాణ
/
నల్గొండ
/
మునుగోడు
Kola Mahesh
Munugodu Constituency
నల్గొండ జిల్లా: క్షయ నివారణ అధికారిగా పనిచేసిన డాక్టర్ కె. కళ్యాణ్ చక్రవర్తి రంగారెడ్డి జిల్లా వైద్య, ఆరోగ్యశాఖ అధికారిగా నియమితులయ్యారు. ఈ మేరకు రాష్ట్ర వైద్యారోగ్యశాఖ డైరెక్టర్ ఉత్తర్వులు జారీ చేసినట్లు సమాచారం.
నాలుగు నెలల క్రితం డాక్టర్ కళ్యాణ్ చక్రవర్తిని నల్గొండ జిల్లా నుంచి రంగారెడ్డి జిల్లా డిస్ట్రిక్ట్ ట్యూబర్‌క్యులోసిస్ కంట్రోల్ ఆఫీసర్ (డీటీసీవో)గా బదిలీ చేశారు. తాజాగా ఆయనకు రంగారెడ్డి జిల్లా వైద్య, ఆరోగ్యశాఖ అధికారి బాధ్యతలు అప్పగించారు.
డాక్టర్ కళ్యాణ్ చక్రవర్తి స్వస్థలం యాదాద్రి భువనగిరి జిల్లా సంస్థాన్ నారాయణపురం మండలం కడీలబాయి తండా. ఆయన రంగారెడ్డి జిల్లా డీఎంహెచ్‌ఓగా నియమితులు కావడం పట్ల స్థానికులు, వైద్య సిబ్బంది అభినందనలు తెలిపారు.
