ఏపీలో జూనియర్ కళాశాలలకు దసరా సెలవులు

అక్టోబర్ 10 నుంచి 20 వరకు సెలవులు.. 21న పునఃప్రారంభం

అమరావతి: ఆంధ్రప్రదేశ్ రాష్ట్రంలోని జూనియర్ కళాశాలలకు దసరా సెలవులు ప్రకటించారు. అక్టోబర్ 10 నుంచి 20వ తేదీ వరకు సెలవులు అమల్లో ఉండనున్నాయి. అక్టోబర్ 21వ తేదీ నుంచి కళాశాలలు తిరిగి ప్రారంభం కానున్నాయి.

ప్రభుత్వ, ఎయిడెడ్, ప్రైవేట్ జూనియర్ కళాశాలలతో పాటు గురుకుల, మోడల్ జూనియర్ కళాశాలలు, కస్తూర్బా గాంధీ బాలికా విద్యాలయాలు (కేజీబీవీ), ఏపీ రెసిడెన్షియల్ విద్యాసంస్థలకు కూడా ఈ సెలవులు వర్తించనున్నాయి.

దసరా సెలవుల సమయంలో కళాశాలల్లో తరగతులు నిర్వహించకూడదని ఇంటర్మీడియట్ విద్యామండలి కార్యదర్శి స్పష్టం చేశారు. సెలవుల్లో తరగతులు నిర్వహించే కళాశాలలపై నిబంధనల ప్రకారం క్రమశిక్షణ చర్యలు తీసుకుంటామని హెచ్చరించారు. సెలవుల నిబంధనలను కళాశాలల యాజమాన్యాలు తప్పనిసరిగా పాటించాలని సూచించారు.