చనుబండ జడ్పీహెచ్‌ఎస్‌లో విద్యా కమిటీ ఎన్నికలు.. చైర్మన్‌గా బొద్దుకోల నరేంద్ర

ఏలూరు జిల్లా నూజివీడు నియోజకవర్గం చాట్రాయి మండలం చనుబండ గ్రామంలోని జిల్లా పరిషత్ ఉన్నత పాఠశాలలో విద్యా కమిటీ ఎన్నికలు నిర్వహించారు. ఈ ఎన్నికల్లో విద్యా కమిటీ చైర్మన్‌గా బొద్దుకోల నరేంద్ర, వైస్ చైర్మన్‌గా షేక్ సబియా బేగంను ఏకగ్రీవంగా ఎన్నుకున్నారు.

పాఠశాల అభివృద్ధి, విద్యార్థులకు మెరుగైన విద్యా వాతావరణం కల్పించడం, పాఠశాలలో మౌలిక వసతుల మెరుగుదల వంటి అంశాల్లో విద్యా కమిటీ కీలకంగా వ్యవహరించాల్సి ఉంటుందని ఈ సందర్భంగా పాల్గొన్న వారు తెలిపారు. పాఠశాల అభివృద్ధిలో తల్లిదండ్రులు, ఉపాధ్యాయులు, విద్యా కమిటీ సభ్యులు సమన్వయంతో పనిచేయాలని సూచించారు.

ఈ కార్యక్రమంలో టీడీపీ గ్రామ పార్టీ అధ్యక్షులు చీదిరాల మారీశ్వరరావు, మాజీ ఎంపీపీ కందుల కృష్ణ, టీడీపీ నూజివీడు నియోజకవర్గ ఎస్సీ సెల్ ప్రధాన కార్యదర్శి నక్కా రాము, నూజివీడు నియోజకవర్గ ఆర్గనైజింగ్ సెక్రటరీ మోదుగు లక్ష్మీ విమల కుమారి, నీటి సంఘం అధ్యక్షులు కందుల రమేష్, మొదుగు ముత్తయ్య, తేనేటి కిరణ్ బాబు, కంచు గిరి, దార్ల ధర్మారావు, విద్యార్థుల తల్లిదండ్రులు తదితరులు పాల్గొన్నారు.