ఎన్నికల కమిషనర్ రాజీనామా చేయాలి: టీపీసీసీ లీగల్ సెల్ డిమాండ్

NTODAY NEWS : నల్గొండ

 నల్గొండ జిల్లా కోర్టు ఆవరణలో టీపీసీసీ లీగల్ సెల్ ఆధ్వర్యంలో సోమవారం నిరసన ధర్నా నిర్వహించారు. టీపీసీసీ లీగల్ సెల్ ఆర్టీఐ, హ్యూమన్ రైట్స్ రాష్ట్ర కో-కన్వీనర్ శేపూరి మధుసూదన్ ఆధ్వర్యంలో ఈ కార్యక్రమం నిర్వహించారు. ఈ సందర్భంగా భారత ఎన్నికల కమిషనర్ జ్ఞానేశ్వర్‌పై నిరసన వ్యక్తం చేస్తూ, ఆయన వెంటనే రాజీనామా చేయాలని నాయకులు డిమాండ్ చేశారు. అలాగే ఆయనను పదవి నుంచి వెంటనే తొలగించాలని కోరారు. ఈ కార్యక్రమంలో జిల్లా లీగల్ సెల్ నాయకులు జీపీ నాంపల్లి నర్సింహ, నాంపల్లి భాగ్య, ఎండీ అప్రోజ్ ఖాన్, జీ. గోవర్ధన్ చారి, కే. శంకరయ్య, తండు వెంకటేశ్వర్లు, శ్రీనివాస్ చక్రవర్తి తదితరులు పాల్గొన్నారు.