ఎన్‌హెచ్‌–163జీ భూసేకరణపై ఆర్డీవో ఏ. కుమార్ పరిశీలన

ఎన్టీఆర్ జిల్లా తిరువూరు నియోజకవర్గం గంపలగూడెం మండలం తునికిపాడు గ్రామంలో ఖమ్మం–విజయవాడ ఎన్‌హెచ్‌–163జీ గ్రీన్‌ఫీల్డ్ హైవే నిర్మాణానికి సేకరించిన భూములను తిరువూరు రెవెన్యూ డివిజన్ అధికారి ఏ. కుమార్ పరిశీలించారు.

భూసేకరణకు సంబంధించి రైతులకు ఎలాంటి సందేహాలు లేదా సమస్యలు ఉన్నా అధికారుల దృష్టికి తీసుకురావాలని ఆర్డీవో సూచించారు. నిబంధనల మేరకు సమస్యలను పరిశీలించి తగిన పరిష్కారం అందించేందుకు చర్యలు తీసుకుంటామని హామీ ఇచ్చారు.

ఈ పరిశీలనలో గంపలగూడెం తహసీల్దార్, డివిజన్ సర్వే ఇన్‌స్పెక్టర్‌తో పాటు రెవెన్యూ శాఖ సిబ్బంది పాల్గొన్నారు.