మంచిర్యాల జిల్లా ఎస్సీ సెల్ ఉపాధ్యక్షుడిగా కుంటాల శంకర్

మంచిర్యాల: మంచిర్యాల జిల్లా కాంగ్రెస్ ఎస్సీ సెల్ ఉపాధ్యక్షుడిగా నూతనంగా నియమితులైన కుంటాల శంకర్ శుక్రవారం మంచిర్యాల ఎమ్మెల్యే కొక్కిరాల ప్రేమ్ సాగర్ రావు, మాజీ డీసీసీ అధ్యక్షురాలు కొక్కిరాల సురేఖను కలిశారు.

ఈ సందర్భంగా శంకర్ తన నియామకం నేపథ్యంలో ఎమ్మెల్యే ప్రేమ్ సాగర్ రావు, సురేఖను కలిసి కృతజ్ఞతలు తెలిపారు. తనపై నమ్మకంతో జిల్లా ఎస్సీ సెల్ ఉపాధ్యక్ష బాధ్యతలు అప్పగించినందుకు ధన్యవాదాలు తెలిపారు.

ఎమ్మెల్యే ప్రేమ్ సాగర్ రావు, సురేఖ శంకర్‌కు శుభాకాంక్షలు తెలిపారు.

కార్యక్రమంలో మంచిర్యాల మున్సిపల్ కార్పొరేషన్ మేయర్ దర్ని మధుకర్, కార్పొరేషన్ కాంగ్రెస్ పార్టీ అధ్యక్షుడు, కార్పొరేటర్ తూముల నరేష్, మంచిర్యాల మార్కెట్ కమిటీ చైర్మన్ రామగిరి బానేష్, కార్పొరేటర్ చింతపండు శ్రీనివాస్, కాంగ్రెస్ నాయకులు, కార్యకర్తలు తదితరులు పాల్గొన్నారు.

మంచిర్యాల కాంగ్రెస్‌లో ఇటీవల అంతర్గత రాజకీయ పరిణామాలు చర్చనీయాంశంగా ఉన్న నేపథ్యంలో ఈ నియామకం చోటుచేసుకుంది.