తెలంగాణలో వరి సాగు పెరిగినా రైతులకు నష్టాలే: జయప్రకాశ్ నారాయణ్
ప్రత్యామ్నాయ పంటలను రాయితీలతో ప్రోత్సహించాలి
ప్రత్యామ్నాయ పంటలకు ప్రోత్సాహం అవసరం
హనుమకొండ | ఎన్ టుడే న్యూస్‌: తెలంగాణలో వరి సాగు గణనీయంగా పెరిగినప్పటికీ రైతులు ఆర్థికంగా నష్టపోతున్నారని లోక్‌సత్తా వ్యవస్థాపక అధ్యక్షుడు డాక్టర్ జయప్రకాశ్ నారాయణ్ అన్నారు. వ్యవసాయంలో పంటల మార్పిడి, ప్రత్యామ్నాయ పంటల సాగుపై దృష్టి సారించాలని సూచించారు.
హనుమకొండలో మాట్లాడుతూ.. పదేళ్ల క్రితం ఆంధ్రప్రదేశ్‌లో 78 లక్షల టన్నులుగా ఉన్న వరి దిగుబడి ప్రస్తుతం 81 లక్షల టన్నులకు చేరిందని తెలిపారు. తెలంగాణలో ఇదే కాలంలో 44 లక్షల టన్నుల నుంచి 1.74 కోట్ల టన్నులకు పెరిగిందని వివరించారు.
వరి సాగు విస్తీర్ణం, దిగుబడి పెరుగుతున్నప్పటికీ రైతులకు ఆశించిన స్థాయిలో ఆర్థిక ప్రయోజనం కలగడం లేదని జయప్రకాశ్ నారాయణ్ అభిప్రాయపడ్డారు. రైతులు ఇతర పంటల వైపు మళ్లేలా ప్రభుత్వం రాయితీలు అందించాలని, ప్రత్యామ్నాయ పంటల సాగును ప్రోత్సహించాలని సూచించారు.
