కూటమి శ్రేణుల విస్తృత ప్రచారం.. భారీ మెజార్టీ లక్ష్యంగా ముందుకు
కూటమి శ్రేణుల విస్తృత ప్రచారం.. భారీ మెజార్టీ లక్ష్యంగా ముందుకు
ఏలూరు జిల్లా, నూజివీడు నియోజకవర్గం, చాట్రాయి మండలం చిత్తపూరు ఎంపీటీసీ అభ్యర్థి చల్లగుల్ల పద్మావతి ఎన్నికల ప్రచారం జోరుగా సాగుతోంది. తెలుగుదేశం, జనసేన పార్టీల నాయకులు, కార్యకర్తలు పెద్ద సంఖ్యలో పాల్గొంటూ కూటమి అభ్యర్థి విజయమే లక్ష్యంగా విస్తృతంగా ప్రచారం నిర్వహిస్తున్నారు. కూటమి శ్రేణులు ఉమ్మడిగా ఇంటింటికీ తిరుగుతూ పద్మావతికి మద్దతు ఇవ్వాలని, భారీ మెజార్టీతో గెలిపించాలని ఓటర్లను అభ్యర్థిస్తున్నారు. గ్రామంలోని ప్రధాన వీధులు, వివిధ ప్రాంతాల్లో నాయకులు, కార్యకర్తలు ప్రచారం నిర్వహిస్తూ ఓటర్లను కలుసుకుంటున్నారు. ఎన్నికల్లో కూటమి అభ్యర్థి విజయానికి ప్రతి కార్యకర్త సమష్టిగా కృషి చేయాలని నాయకులు పిలుపునిస్తున్నారు. తెలుగుదేశం, జనసేన శ్రేణులు సమన్వయంతో ప్రచారాన్ని ముందుకు తీసుకెళ్తుండటంతో గ్రామంలో ఎన్నికల సందడి నెలకొంది. ఈ ప్రచార కార్యక్రమానికి స్థానిక ప్రజల నుంచి విశేష స్పందన లభిస్తోందని కూటమి నాయకులు తెలిపారు.
