ఎంపీటీసీ, జడ్పీటీసీ ఎన్నికల నేపథ్యంలో పోలీసుల ఫ్లాగ్ మార్చ్
ఆంధ్రప్రదేశ్
/
అన్నమయ్య
ఎస్ రెడ్డి రాఘవేంద్రరాజు
పుంగనూరు నియోజకవర్గ ప్రతినిధి
- శాంతిభద్రతలకు విఘాతం కలిగిస్తే కఠిన చర్యలు: పోలీసులు
- ఓటర్లలో భద్రతపై భరోసా
- నిబంధనలు ఉల్లంఘిస్తే చర్యలు
మదనపల్లె, అన్నమయ్య జిల్లా | ఎన్ టుడే న్యూస్‌: ఎంపీటీసీ, జడ్పీటీసీ ఎన్నికలు ప్రశాంత వాతావరణంలో జరిగేలా చర్యలు చేపడుతున్నట్లు పోలీసులు తెలిపారు. జిల్లా ఎస్పీ ధీరజ్ కునుబిల్లి ఐపీఎస్ ఆదేశాల మేరకు రాయచోటి రూరల్ సీఐ ఉలసయ్య, సంబేపల్లి ఎస్‌ఐ రవికుమార్ ఆధ్వర్యంలో స్థానిక పోలీసులు, ప్రత్యేక పోలీసు బలగాలతో సంబేపల్లిలో ఫ్లాగ్ మార్చ్ నిర్వహించారు.
ఎన్నికలు ప్రశాంతంగా నిర్వహించడం, ప్రజల్లో భద్రతపై నమ్మకం కల్పించడం ఫ్లాగ్ మార్చ్ ముఖ్య ఉద్దేశమని పోలీసులు తెలిపారు. ఓటర్లు ఎలాంటి భయం లేకుండా స్వేచ్ఛగా తమ ఓటు హక్కును వినియోగించుకోవాలని పిలుపునిచ్చారు.
ఎన్నికల సమయంలో శాంతిభద్రతలకు విఘాతం కలిగించే చర్యలకు పాల్పడితే కఠిన చర్యలు తీసుకుంటామని పోలీసులు హెచ్చరించారు. ఎన్నికల ప్రక్రియ సజావుగా సాగేందుకు ప్రజలు, రాజకీయ పార్టీలు పోలీసులకు సహకరించాలని కోరారు.
