ఎల్‌-నినో కరువు నివారణకు రామన్నపేట మండలంలో గ్రామసభలు
తెలంగాణ
/
యాదాద్రి భువనగిరి
/
రామన్నపేట
Kola Mahesh
Munugodu Constituency
జల సంరక్షణ పనులపై ప్రజలకు అవగాహన
యాదాద్రి భువనగిరి జిల్లా, రామన్నపేట, అక్టోబర్ 30 (ఎన్ టుడే న్యూస్):
ఎల్‌-నినో ప్రభావంతో రాబోయే రోజుల్లో ఏర్పడే కరువు పరిస్థితులను సమర్థవంతంగా ఎదుర్కొనేందుకు జిల్లా కలెక్టర్ ఆదేశాల మేరకు రామన్నపేట మండలంలో గ్రామసభలు నిర్వహించారు. మండలంలోని కక్కిరేణి, ఎన్నారం, కుంకుడుపాముల గ్రామాల్లో నిర్వహించిన ఈ సమావేశాల్లో జల సంరక్షణ చర్యలపై ప్రజలకు అవగాహన కల్పించారు.
రాబోయే రోజుల్లో గ్రామాల్లో నీటి కొరత తలెత్తకుండా ముందస్తు చర్యలు చేపట్టాలని అధికారులు సూచించారు. వి.బి.జి. రామ్‌ పథకం ద్వారా చేపట్టాల్సిన జల సంరక్షణ పనులు, వాటి ప్రాధాన్యతను గ్రామస్థులకు వివరించారు. నీటి వనరులను కాపాడుకోవడంతో పాటు వర్షపు నీటిని సమర్థవంతంగా వినియోగించుకునేలా ప్రజలు భాగస్వాములు కావాలని పిలుపునిచ్చారు.
ఈ గ్రామసభల్లో ఎంపీడీఓ ఆవుల రాములు, వివిధ శాఖల అధికారులు, గ్రామ సర్పంచ్‌లు పాల్గొన్నారు. కక్కిరేణి సర్పంచ్ చిల్ల మధురవేణి సురేష్, ఎన్నారం సర్పంచ్ జనని, కుంకుడుపాముల సర్పంచ్ సత్తయ్యతో పాటు ఆయా గ్రామాల ప్రజలు సమావేశాల్లో పాల్గొన్నారు.
