హాథ్రస్‌లో దారుణం.. 16 ఏళ్ల మనవరాలిపై 70 ఏళ్ల తాత అఘాయిత్యం
హాథ్రస్‌లో దారుణం.. 16 ఏళ్ల మనవరాలిపై 70 ఏళ్ల తాత అఘాయిత్యం
ఉత్తరప్రదేశ్‌లోని హాథ్రస్‌లో దారుణ ఘటన వెలుగులోకి వచ్చింది. 16 ఏళ్ల మనవరాలిపై 70 ఏళ్ల తాత లైంగిక దాడికి పాల్పడిన ఘటనపై పోలీసులు కేసు నమోదు చేశారు. ఈ ఘటనతో బాలిక గర్భం దాల్చినట్లు వైద్య పరీక్షల్లో తేలింది.
బాధిత బాలిక ఫిర్యాదు మేరకు కేసు నమోదు చేసిన పోలీసులు దర్యాప్తు ప్రారంభించారు. తన తాత మూడు నెలల పాటు తనపై లైంగిక దాడికి పాల్పడ్డాడని, ప్రస్తుతం రెండున్నర నెలల గర్భంతో ఉన్నానని బాలిక తెలిపింది.
తండ్రి పనికి వెళ్లిన సమయంలో తాత తనపై అఘాయిత్యానికి పాల్పడేవాడని బాలిక ఆరోపించింది. కడుపు నొప్పి రావడంతో ఆసుపత్రికి తీసుకెళ్లగా వైద్య పరీక్షల్లో గర్భం విషయం బయటపడింది.
ఈ ఘటన స్థానికంగా తీవ్ర కలకలం రేపింది. బాలికలపై జరిగే నేరాలను అరికట్టేందుకు నిందితులపై కఠిన చర్యలు తీసుకోవాలని ప్రజలు డిమాండ్ చేస్తున్నారు. పోలీసులు అన్ని కోణాల్లో దర్యాప్తు చేస్తున్నారు.
