హైదరాబాద్‌లో మాజీ మంత్రి కారుమూరి నాగేశ్వరరావు అరెస్ట్..

హైదరాబాద్‌లో మాజీ మంత్రి కారుమూరి నాగేశ్వరరావు అరెస్ట్.. లిక్కర్ కేసులో ఈడీ చర్యలు

హైదరాబాద్: లిక్కర్ కేసులో మాజీ మంత్రి కారుమూరి నాగేశ్వరరావును ఎన్‌ఫోర్స్‌మెంట్ డైరెక్టరేట్ (ఈడీ) అధికారులు అరెస్ట్ చేశారు. హైదరాబాద్‌ కొండాపూర్‌లోని ఆయన నివాసంలో అదుపులోకి తీసుకున్న ఈడీ అధికారులు, అనంతరం బషీర్‌బాగ్‌లోని ఈడీ కార్యాలయానికి తరలించారు.

లిక్కర్ వ్యాపారుల నుంచి ముడుపులు స్వీకరించారనే ఆరోపణలపై ఈడీ దర్యాప్తు కొనసాగిస్తోంది. ఇదే కేసులో కారుమూరి నాగేశ్వరరావు కుమారుడిని ఇప్పటికే ఈడీ అధికారులు అరెస్ట్ చేసిన విషయం తెలిసిందే. తాజాగా మాజీ మంత్రిని కూడా అదుపులోకి తీసుకుని విచారణ చేపట్టారు.