ప్రగడవరంలో హైస్కూల్ మేనేజ్మెంట్ కమిటీ ఎన్నికలు

చింతలపూడి నియోజకవర్గ రిపోర్టర్ కుడిపుడి సత్తి బాబు 

ఏలూరు జిల్లా చింతలపూడి మండలం ప్రగడవరం మహాత్మా గాంధీ ఉన్నత పాఠశాలలో మేనేజ్మెంట్ కమిటీ ఎన్నికలు మంగళవారం నిర్వహించారు. తరగతుల వారీగా విద్యార్థుల తల్లిదండ్రుల ఓట్ల ఆధారంగా ఎన్నికలు నిర్వహించినట్లు ప్రధానోపాధ్యాయులు డి. సంపూర్ణ తెలిపారు.

ఎన్నికల్లో చైర్మన్‌గా సేవా రాములు, వైస్ చైర్మన్‌గా కొప్పుల బేబీ ఎన్నికైనట్లు ప్రధానోపాధ్యాయులు వెల్లడించారు. నూతనంగా ఎన్నికైన కమిటీ సభ్యులతో ప్రధానోపాధ్యాయులు తొలి సమావేశం నిర్వహించారు. ఈ సందర్భంగా పాఠశాల అభివృద్ధికి, విద్యార్థుల ఉజ్వల భవిష్యత్తుకు ఉపాధ్యాయులు చేపట్టే అన్ని కార్యక్రమాలకు తమ వంతు సహకారం అందిస్తామని నూతన కమిటీ సభ్యులు తెలిపారు.

అనంతరం ఎన్నికల్లో విజయం సాధించిన చైర్మన్ సేవా రాములు, వైస్ చైర్మన్ కొప్పుల బేబీతో పాటు కమిటీ సభ్యులను ప్రధానోపాధ్యాయులు డి. సంపూర్ణ, ఉపాధ్యాయులు శాలువాలతో సత్కరించి అభినందించారు.