తుఫాన్లకు పేర్లు ఎలా పెడతారు? ‘ఆర్నబ్’ పేరును సూచించిన బంగ్లాదేశ్

• ‘ఆర్నబ్’ పేరును సూచించిన బంగ్లాదేశ్

ఎన్ టుడే న్యూస్‌: ఉత్తర హిందూ మహాసముద్ర ప్రాంతంలో ఏర్పడే తుఫాన్లకు పేర్లను ప్రపంచ వాతావరణ సంస్థ (WMO), ఐక్యరాజ్యసమితి ఆసియా, పసిఫిక్ ఆర్థిక, సామాజిక కమిషన్ (ESCAP) సంయుక్తంగా ఏర్పాటు చేసిన ప్యానెల్ ఆన్ ట్రాపికల్ సైక్లోన్స్ నిర్ణయిస్తుంది.

ఈ ప్రాంతంలోని 13 దేశాలు ముందుగానే తుఫాన్ల పేర్లను సూచిస్తాయి. ఒక్కో దేశం 13 పేర్ల చొప్పున మొత్తం 169 పేర్లను అందిస్తుంది. ఈ పేర్లను నిర్ణీత క్రమంలో తుఫాన్లకు కేటాయిస్తారు.

ప్రస్తుతం చర్చలో ఉన్న ‘ఆర్నబ్’ పేరును బంగ్లాదేశ్ సూచించింది. తుఫాన్లకు ముందుగానే పేర్లు నిర్ణయించడం వల్ల వాతావరణ హెచ్చరికలు జారీ చేసేటప్పుడు, ప్రజలకు సమాచారం అందించేటప్పుడు గందరగోళం తగ్గుతుంది.