ఐఏఎస్ అధికారి అమ్రపాలికి ఏపీలో మళ్లీ పోస్టింగ్

అమరావతి: ఐఏఎస్ అధికారిణి కాటా అమ్రపాలికి ఆంధ్రప్రదేశ్ ప్రభుత్వం మళ్లీ పోస్టింగ్ కేటాయించింది. ఆమెను పర్యాటక, సాంస్కృతిక శాఖ ప్రభుత్వ కార్యదర్శిగా నియమించింది.

గతంలో ఏపీటీడీసీ మేనేజింగ్ డైరెక్టర్‌గా బాధ్యతలు నిర్వహించిన అమ్రపాలి సెలవుపై వెళ్లారు. సెలవు కాలం ముగిసిన తర్వాత విధుల్లో చేరేందుకు రిపోర్ట్ చేయకపోవడంతో ప్రభుత్వం ఆమెను పోస్టింగ్ లేని అధికారుల జాబితాలోకి బదిలీ చేసినట్లు సమాచారం.

తాజాగా ఆమె విధుల్లో చేరేందుకు రిపోర్ట్ చేయడంతో ప్రభుత్వం పర్యాటక, సాంస్కృతిక శాఖ ప్రభుత్వ కార్యదర్శిగా బాధ్యతలు అప్పగించింది. దీంతో అమ్రపాలి మరోసారి పర్యాటక శాఖకు సంబంధించిన బాధ్యతలు చేపట్టనున్నారు.