చిన్న కొమిరలో గర్భిణీలు, బాలింతలు, చిన్నారులకు వ్యాధి నిరోధక టీకాలు

తిరువూరు: ఎన్టీఆర్ జిల్లా తిరువూరు నియోజకవర్గం గంపలగూడెం మండలం అమ్మిరెడ్డిగూడెం పంచాయతీ శివారు చిన్న కొమిర గ్రామంలోని అంగన్వాడీ కేంద్రంలో బుధవారం ఆరోగ్యశాఖ ఆధ్వర్యంలో గర్భిణీలు, బాలింతలు, చిన్నారులకు వ్యాధి నిరోధక టీకాలు వేశారు. ఈ సందర్భంగా ఆరోగ్య సిబ్బంది వర్షాకాలంలో తీసుకోవాల్సిన జాగ్రత్తలపై అవగాహన కల్పించారు. పరిసరాలను పరిశుభ్రంగా ఉంచుకోవాలని, వర్షాకాలంలో సీజనల్ వ్యాధుల పట్ల అప్రమత్తంగా ఉండాలని సూచించారు. అలాగే సీజన్‌లో లభించే ఆకుకూరలు, పండ్లు, చిరుధాన్యాలను ఆహారంలో భాగంగా చేసుకోవడం వల్ల కలిగే ఆరోగ్య ప్రయోజనాలను వివరించారు. గర్భిణీలు, బాలింతలు పోషకాహారంపై ప్రత్యేక శ్రద్ధ వహించాలని సూచించారు. కార్యక్రమంలో ఏఎన్‌ఎం రమాదేవి, అంగన్వాడీ టీచర్ ఉషారాణి, ఆశా కార్యకర్తలు, ఆరోగ్య సిబ్బంది తదితరులు పాల్గొన్నారు.