ఉర్సు ఉత్సవాలకు సీఎంకు ఆహ్వానం

కడప, అక్టోబరు 6: కడప అమీన్‌పీర్‌ దర్గా ఉర్సు ఉత్సవాలకు ముఖ్యమంత్రి చంద్రబాబు నాయుడును దర్గా పెద్దలు ఆహ్వానించారు. దర్గా పీఠాధిపతి కేఎస్‌ఎస్‌ అరీఫుల్లా హుస్సేనీ సోమవారం సీఎం క్యాంపు కార్యాలయంలో చంద్రబాబును కలిసి ఉత్సవాల ఆహ్వానపత్రికను అందజేశారు.

ఈ నెల 24 నుంచి 29వ తేదీ వరకు నిర్వహించనున్న ఉర్సు ఉత్సవాలకు హాజరై కార్యక్రమాల్లో పాల్గొనాలని ముఖ్యమంత్రిని కోరారు. ఈ సందర్భంగా ఉత్సవాల నిర్వహణకు చేస్తున్న ఏర్పాట్లపై చంద్రబాబు వివరాలు అడిగి తెలుసుకున్నారు.

ఈ కార్యక్రమంలో దర్గా మేనేజర్‌ ఎండీ అలీఖాన్‌, సయ్యద్‌ గౌస్‌, అమీర్‌ బాషా తదితరులు పాల్గొన్నారు.