చింతలపూడిలో రేపు జనసేన అవగాహన సదస్సు

చింతలపూడిలో రేపు జనసేన అవగాహన సదస్సు  ముఖ్య అతిథిగా తాడేపల్లిగూడెం ఎమ్మెల్యే బొలిశెట్టి శ్రీనివాస్

చింతలపూడి నియోజకవర్గ రిపోర్టర్ కుడిపుడి సత్తి బాబు 

ఏలూరు జిల్లా చింతలపూడిలో జనసేన పార్టీ ఆధ్వర్యంలో రేపు అవగాహన సదస్సు నిర్వహించనున్నారు. జనసేన పార్టీ నియోజకవర్గ కన్వీనర్ ఆదేశాల మేరకు ఏఎంసీ చైర్మన్ మధుబాబు ఆధ్వర్యంలో చింతలపూడి పట్టణంలోని వి.కె.యం. ఫంక్షన్ హాల్‌లో ఈ సమావేశం జరగనుంది.

రాబోయే నగర పంచాయతీ, స్థానిక సంస్థల ఎన్నికల నేపథ్యంలో జనసేన పార్టీ కార్యక్రమాలను ప్రజల్లోకి మరింత విస్తృతంగా తీసుకెళ్లడం, పార్టీ శ్రేణులకు దిశానిర్దేశం చేయడం లక్ష్యంగా ఈ అవగాహన సదస్సును నిర్వహిస్తున్నట్లు నిర్వాహకులు తెలిపారు.

ఈ కార్యక్రమానికి జనసేన పార్టీ జోనల్ కన్వీనర్, తాడేపల్లిగూడెం ఎమ్మెల్యే బొలిశెట్టి శ్రీనివాస్ ముఖ్య అతిథిగా హాజరై పార్టీ శ్రేణులకు దిశానిర్దేశం చేయనున్నారు. నియోజకవర్గంలోని పార్టీ నాయకులు, కార్యకర్తలు, అభిమానులు పెద్ద సంఖ్యలో పాల్గొనాలని నిర్వాహకులు కోరారు.

అలాగే సదస్సు వివరాలను ప్రజలకు తెలియజేసేందుకు ప్రింట్, ఎలక్ట్రానిక్ మీడియా ప్రతినిధులు హాజరుకావాలని జనసేన మండల పార్టీ అధ్యక్షుడు మధుబాబు కోరారు.