కదిరిలో జనసేన సన్నాహక సమావేశం.. 30 కుటుంబాల పార్టీలో చేరిక
జనసేనలో 30 కుటుంబాల చేరిక
కదిరి: స్థానిక సంస్థల ఎన్నికల నేపథ్యంలో కదిరి నియోజకవర్గంలోని కదిరి మున్సిపాలిటీలో జనసేన పార్టీ ఆశావహులతో సన్నాహక సమావేశం నిర్వహించారు. హిందూపురం పార్లమెంట్ సమన్వయకర్త చిలకం మధుసూదన్ రెడ్డి ఆధ్వర్యంలో జరిగిన ఈ సమావేశంలో కదిరి నియోజకవర్గ ఇన్చార్జ్ భైరవ ప్రసాద్, కోఆర్డినేషన్ టీమ్ కమిటీ సభ్యుడు పత్తి చంద్రశేఖర్ పాల్గొన్నారు.
ఈ సందర్భంగా చిలకం మధుసూదన్ రెడ్డి మాట్లాడుతూ.. కదిరి మున్సిపాలిటీలో పార్టీని బలోపేతం చేయడం, స్థానిక సంస్థల ఎన్నికలకు సమర్థవంతంగా సన్నద్ధం కావడం, ప్రజలతో మరింత బలమైన అనుసంధానం ఏర్పరచుకోవడం వంటి అంశాలపై ఆశావహులతో చర్చించారు. స్థానిక పరిస్థితులు, ప్రజల అభిప్రాయాలు, ఎన్నికలకు సంబంధించిన అంశాలను అడిగి తెలుసుకున్నారు.
అనంతరం కదిరి ఆర్అండ్బీ బంగ్లాలో ఆశావహులతో విడివిడిగా 1-టు-1 సమావేశాలు నిర్వహించారు. ఈ సందర్భంగా వారి అభిప్రాయాలు, సూచనలు, స్థానిక పరిస్థితులు, ఎన్నికలకు సంబంధించిన అంశాలపై చర్చించారు. పార్టీ నిర్ణయానికి అనుగుణంగా సమష్టిగా పనిచేసి స్థానిక సంస్థల ఎన్నికల్లో పార్టీ కోసం కృషి చేయాలని సూచించారు.
అనంతరం జనసేన పార్టీ సిద్ధాంతాలు, పవన్ కల్యాణ్ ఆశయాలకు ఆకర్షితులై 30 కుటుంబాలు జనసేన పార్టీలో చేరాయి. పార్టీలో చేరిన వారికి చిలకం మధుసూదన్ రెడ్డి పార్టీ కండువాలు కప్పి ఆహ్వానించారు.
కార్యక్రమంలో కదిరి పట్టణ అధ్యక్షుడు కాయల చలపతి, లక్ష్మణ కుటాల, ఇర్ఫాన్, అంజిబాబు, కిన్నెర మహేష్, రాజేంద్ర ప్రసాద్, ఈటీ లోకేష్, చక్రధర్ బాబు, హరిబాబు, కొట్టే అశ్వర్థ, మండల నాయకులు భుక్య రవీంద్ర నాయక్, మేకల చెరువు చౌదరి, సాకే రవికుమార్, కేవీ రమణ, జయవర్ధన్, హాస్పిటల్ డెవలప్మెంట్ కమిటీ సభ్యుడు శ్రీనివాసులు, రెడ్డెమ్మ, జయశ్రీతో పాటు జనసేన నాయకులు, వీర మహిళలు పాల్గొన్నారు.
