కార్తీక మాసం ప్రారంభం.. శివాలయంలో ఆకాశదీపోత్సవం

చిట్యాల :  (ఎన్ టుడే న్యూస్)

కార్తీక మాసం ప్రారంభాన్ని పురస్కరించుకుని మంగళవారం చిట్యాల పట్టణంలోని శివాలయంలో ఆకాశదీపాన్ని భక్తిశ్రద్ధలతో వెలిగించారు. ఆలయ ధ్వజస్తంభం వద్ద ప్రత్యేకంగా ఏర్పాటు చేసిన పాత్రలో దీపాన్ని వెలిగించి, ధ్వజస్తంభం చివరి వరకు పైకి పంపి ఆకాశదీపోత్సవాన్ని నిర్వహించారు.

ఈ సందర్భంగా భక్తులు ఆకాశదీపాన్ని దర్శించుకుని ప్రత్యేక పూజలు నిర్వహించారు. హరహర మహాదేవ, ఓం నమశ్శివాయ నామస్మరణతో ఆలయ ప్రాంగణం మార్మోగింది. కార్తీక మాసం మొత్తం ప్రతిరోజూ సాయంత్రం ఆకాశదీపాన్ని వెలిగిస్తామని పురోహితులు తెలిపారు.

ఈ కార్యక్రమంలో పురోహితులు గోవింద్ శర్మ, బబ్లు శుక్లా, శ్రీ కనకదుర్గ దేవాలయ కమిటీ డైరెక్టర్ రుద్రారపు లింగయ్య, వేలుపల్లి రవీందర్, అన్నపూర్ణ, నామని హరిత, రేగొండ వేణుమాధవ్, ఏళ్ల వెంకన్నతో పాటు పలువురు భక్తులు పాల్గొన్నారు.