ఉమంగ్ మేళాను ప్రారంభించిన కొక్కిరాల సురేఖ

మంచిర్యాల: మంచిర్యాల మున్సిపల్ కార్పొరేషన్ పరిధిలోని వెంకటేశ్వర్లు థియేటర్ సమీపంలోని ఖండేల్వాల్ భవన్‌లో మార్వాడి మహిళా మండలి ఆధ్వర్యంలో ఏర్పాటు చేసిన ఉమంగ్ మేళా కార్యక్రమాన్ని మంచిర్యాల జిల్లా మాజీ డీసీసీ అధ్యక్షురాలు కొక్కిరాల సురేఖ ప్రారంభించారు.

ఈ సందర్భంగా నిర్వాహకులు కొక్కిరాల సురేఖను శాలువాతో సన్మానించారు. మహిళా మండలి ఆధ్వర్యంలో నిర్వహిస్తున్న మేళా ద్వారా మహిళలు, స్థానికంగా తయారు చేసిన ఉత్పత్తులను ప్రదర్శించి, విక్రయించుకునే అవకాశం కల్పించినట్లు నిర్వాహకులు తెలిపారు.

కార్యక్రమంలో మంచిర్యాల పట్టణ మహిళా కాంగ్రెస్ అధ్యక్షురాలు గజ్జల హేమలత, మంచిర్యాల పట్టణ కాంగ్రెస్ పార్టీ కార్యదర్శి, 58వ డివిజన్ ఇన్‌చార్జి సరిత ఓజా, మార్వాడి మహిళా మండలి ప్రతినిధులు, మహిళలు తదితరులు పాల్గొన్నారు.