లక్సెట్టిపేటలో వాసవీ మాత జయంతి వేడుకలు ఘనంగా నిర్వహణ

లక్సెట్టిపేటలో వాసవీ మాత జయంతి వేడుకలు ఘనంగా నిర్వహణ

లక్సెట్టిపేట పట్టణంలోని కన్యకాపరమేశ్వరి ఆలయంలో ఆలయ కమిటీ మరియు ఆర్యవైశ్య సంఘాల ఆధ్వర్యంలో శ్రీ వాసవీ కన్యకాపరమేశ్వరి మాత జయంతి ఉత్సవాలు అత్యంత వైభవంగా జరిగాయి. ఈ సందర్భంగా ఉదయం నుండే అమ్మవారికి ప్రత్యేక అభిషేకాలు, విశేష పూజలు నిర్వహించగా, మహిళలు భక్తిశ్రద్ధలతో కుంకుమార్చన కార్యక్రమాల్లో పాల్గొన్నారు. అనంతరం ఆలయ ప్రాంగణంలో ఏర్పాటు చేసిన అన్నదాన కార్యక్రమంలో భక్తులు పెద్ద సంఖ్యలో పాల్గొని తీర్థప్రసాదాలను స్వీకరించారు, దీంతో ఆలయ పరిసరాలు ఆధ్యాత్మిక శోభతో విరాజిల్లాయి