BREAKING
thumb ● జిల్లా స్థాయి పోటీలకు ఎంపికైన అమీనాబాద్ TGMS విద్యార్థులు thumb ● పార్టీలకు అతీతంగా అర్హులందరికీ పెన్షన్ల పంపిణీ thumb ● ‘చలో మేడారం’ కార్యక్రమాన్ని జయప్రదం చేయాలి: చాగంటి కిషన్ thumb ● ఇందిరమ్మ కుటుంబ జీవిత బీమాతో పేదలకు ఆర్థిక రక్షణ: ఎమ్మెల్యే డాక్టర్ మురళి నాయక్ thumb ● కేసముద్రం మున్సిపాలిటీలో ఇందిరమ్మ కుటుంబ బీమా పథకం ప్రారంభం thumb ● పేద కుటుంబాలకు కొండంత అండగా ఇందిరమ్మ కుటుంబ బీమా thumb ● అంతర్జాతీయ సదస్సుకు కేసముద్రం విద్యార్థి పట్ల చందు ఎంపిక thumb ● పేదలకు భరోసా.. ఇందిరమ్మ బీమా thumb ● జిల్లా స్థాయి ఎన్నికల అవగాహన పోటీల్లో నెల్లికుదురు మోడల్ స్కూల్ విద్యార్థుల ప్రతిభ thumb ● బయ్యారం మండల సర్పంచ్‌ల ఫోరం అధ్యక్షుడిగా భూక్య ప్రవీణ్ నాయక్ ఏకగ్రీవ ఎన్నిక thumb ● జిల్లా స్థాయి పోటీలకు ఎంపికైన అమీనాబాద్ TGMS విద్యార్థులు thumb ● పార్టీలకు అతీతంగా అర్హులందరికీ పెన్షన్ల పంపిణీ thumb ● ‘చలో మేడారం’ కార్యక్రమాన్ని జయప్రదం చేయాలి: చాగంటి కిషన్ thumb ● ఇందిరమ్మ కుటుంబ జీవిత బీమాతో పేదలకు ఆర్థిక రక్షణ: ఎమ్మెల్యే డాక్టర్ మురళి నాయక్ thumb ● కేసముద్రం మున్సిపాలిటీలో ఇందిరమ్మ కుటుంబ బీమా పథకం ప్రారంభం thumb ● పేద కుటుంబాలకు కొండంత అండగా ఇందిరమ్మ కుటుంబ బీమా thumb ● అంతర్జాతీయ సదస్సుకు కేసముద్రం విద్యార్థి పట్ల చందు ఎంపిక thumb ● పేదలకు భరోసా.. ఇందిరమ్మ బీమా thumb ● జిల్లా స్థాయి ఎన్నికల అవగాహన పోటీల్లో నెల్లికుదురు మోడల్ స్కూల్ విద్యార్థుల ప్రతిభ thumb ● బయ్యారం మండల సర్పంచ్‌ల ఫోరం అధ్యక్షుడిగా భూక్య ప్రవీణ్ నాయక్ ఏకగ్రీవ ఎన్నిక
Test 4
Date of Publish : 06 October 2026, 08:53 pm
Posted by : గడ్డం జగన్మోహన్ రెడ్డి

వరి పంటకు వరం.. ద్రవ జీవామృతం

ఆంధ్రప్రదేశ్
/ ఎన్టీఆర్
Reporter
గడ్డం జగన్మోహన్ రెడ్డి ఆంధ్రప్రదేశ్ స్టేట్ బ్యూరో
06 Oct, 2026 - 08:53 PM
278 వీక్షణలు

విస్సన్నపేట: ప్రకృతి వ్యవసాయ పద్ధతులతో రసాయన రహిత పంటల సాగుకు రైతులు ప్రాధాన్యం ఇస్తున్నారు. తిరువూరు నియోజకవర్గం విస్సన్నపేట మండలం తాతకుంట్ల గ్రామంలో ఆంధ్ర కేసరి రైతు ఉత్పత్తిదారుల సంఘానికి చెందిన కౌలు భూమిలో 100 శాతం రసాయన రహిత విధానంలో వరి సాగు చేపడుతున్నారు. ఇందులో భాగంగా ద్రవ జీవామృతం తయారీ, వినియోగంపై రైతులకు అవగాహన కల్పించారు.

ద్రవ జీవామృతం తయారీకి ప్లాస్టిక్ డ్రం, 10 కిలోల ఆవు పేడ, 10 లీటర్ల ఆవు మూత్రం, రెండు కిలోల బెల్లం, రెండు కిలోల శనగపిండి, గుప్పెడు పుట్టమట్టి, 180 లీటర్ల నీటిని వినియోగిస్తారు. ముందుగా ఆవు పేడ, బెల్లం, శనగపిండి, పుట్టమట్టిని వేర్వేరు పాత్రల్లో తగినంత నీటితో ఉండలు లేకుండా కలిపి ద్రావణంగా తయారు చేస్తారు. అనంతరం వీటిని ఒకదాని తర్వాత ఒకటి డ్రమ్ములో పోసి, చివరిగా దేశీ ఆవు మూత్రాన్ని కలుపుతారు.

మిశ్రమాన్ని కర్రతో ఐదు నుంచి పది నిమిషాల పాటు సవ్యదిశలో బాగా కలిపి, డ్రమ్మును గోనె పట్టాతో కప్పి నీడలో ఉంచుతారు. అనంతరం ఏడు నుంచి ఎనిమిది రోజుల పాటు ప్రతిరోజూ ఉదయం, సాయంత్రం కర్రతో సవ్యదిశలో కలుపుతారు. మిశ్రమం బంగారు రంగులోకి మారి, పండిన పండు వాసన వచ్చినప్పుడు ద్రవ జీవామృతం తయారైనట్లు గుర్తించవచ్చని ప్రకృతి వ్యవసాయ సిబ్బంది తెలిపారు.

తయారైన ద్రవ జీవామృతాన్ని ఏడు నుంచి పది రోజుల్లోపు ప్రధాన పంట పొలంలో పిచికారీ చేయడంతో పాటు నీటి తడితో పొలానికి అందించవచ్చని వివరించారు. ఇది నేలలోని సూక్ష్మజీవుల కార్యకలాపాలను పెంపొందించేందుకు ప్రకృతి వ్యవసాయంలో ఉపయోగించే ఒక ఇన్‌పుట్‌గా పేర్కొన్నారు. సూక్ష్మజీవుల కార్యకలాపాలు చురుకుగా ఉండటం వల్ల నేలలోని పోషకాలు మొక్కలకు అందుబాటులోకి రావడంలో సహాయపడతాయని తెలిపారు. దీంతో నేల ఆరోగ్యాన్ని మెరుగుపరచడంతో పాటు వానపాముల వృద్ధికి అనుకూల పరిస్థితులు ఏర్పడతాయని వివరించారు.

ఈ కార్యక్రమంలో ఐఎఫ్‌సీ యాంకర్ పర్సన్ కే. శివాజీ, సీఆర్‌పీలు పి. సత్యవతి, నాగరాణి, రాజశ్రీ, ఫార్మర్ మిత్ర రవితేజ, ప్రకృతి వ్యవసాయ శాఖకు చెందిన ఎఫ్‌ఎంటీ జి. శ్రీనివాసరావు, ఐసీఆర్‌పీ విజయలక్ష్మి తదితరులు పాల్గొన్నారు.