దక్షిణ మధ్య రైల్వే బోర్డు సభ్యుడు మేకల రాములు యాదవ్‌కు ఘన సన్మానం

నివాసంలో మర్యాదపూర్వకంగా కలిసిన జాతీయ యాదవ హక్కుల పోరాట సమితి నల్గొండ జిల్లా అధ్యక్షుడు నేతల ఆంజనేయులు యాదవ్

నల్గొండ: ఇటీవల దక్షిణ మధ్య రైల్వే బోర్డు సభ్యుడిగా నియమితులైన జాతీయ యాదవ హక్కుల పోరాట సమితి అధ్యక్షుడు మేకల రాములు యాదవ్‌ను ఆ సమితి నల్గొండ జిల్లా అధ్యక్షుడు నేతల ఆంజనేయులు యాదవ్ గురువారం సాయంత్రం మర్యాదపూర్వకంగా కలిశారు. ఈ సందర్భంగా ఆయన నివాసంలో మేకల రాములు యాదవ్‌కు శాలువా కప్పి ఘనంగా సన్మానించారు.

ఈ సందర్భంగా నేతల ఆంజనేయులు యాదవ్ మాట్లాడుతూ, జాతీయ స్థాయిలో యాదవ సామాజిక వర్గానికి చెందిన నాయకుడికి కీలకమైన పదవి దక్కడం సంతోషకరమని పేర్కొన్నారు. మేకల రాములు యాదవ్‌కు దక్షిణ మధ్య రైల్వే బోర్డు సభ్యుడిగా అవకాశం లభించడం యాదవులందరికీ గర్వకారణమని అన్నారు. ఆయన నియామకం పట్ల ఆనందం వ్యక్తం చేస్తూ అభినందనలు తెలిపారు.

ఈ కార్యక్రమంలో జాతీయ యాదవ హక్కుల పోరాట సమితి రాష్ట్ర ప్రధాన కార్యదర్శి మేకల వెంకటేష్ యాదవ్, మునుగోడు నియోజకవర్గ అధ్యక్షుడు సుదనబోయిన పర్వతాలు యాదవ్, నాంపల్లి మండల అధ్యక్షుడు జక్కుల రాజు యాదవ్, ఉపాధ్యక్షుడు కుందారపు సాయి యాదవ్, హస్తినాపురం ఓబీసీ యువమోర్చా అధ్యక్షుడు నరసింహ తదితరులు పాల్గొన్నారు.